Габдулла Тукайның 125 еллыгын бәйрәм итүгә әзерлек Фонды

Бөек татар шагыйренең тууына 125 ел тулуны билгеләп үтү милли мәдәниятнең иң мөһим вакыйгаларының берсе генә түгел, ул шагыйрьнең иҗади мирасын өйрәнүгә көчле импульс та.

Киң җәмәгатьчелек һәм мәдәниятебезнең күренекле эшлеклеләре инициативасы белән Г.Тукайның 125 еллыгын бәйрәм итүгә әзерлек Фондын төзү әлеге мөһим мәсьәләләрне чишәргә мөмкинлек бирәчәк. Бөек татар шагыйре иҗатын өйрәнүдә яңа жанрларның барлыкка килүе Г.Тукайның иҗади мирасын популярлаштыруның яңа юлларын ачарга мөмкинлек тудыра.

Яңа фильмнар, мультимедиа басмалар, Г.Тукай әсәрләре буенча төшерелгән мультфильмнар сериясе – болар барысы да милли рух җырчысы иҗаты белән киңрәк танышуга һәм Татарстанның дөнья күләмендә уңай имиджын формалаштыруга ярдәм итәчәк.